Charter Document - 04230195
| Charter Number: | 04230195 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1249 |
| Date type: | Internal, A.D. |
| Resource Link(s): |
Monasterium.net |
Charter:
Farcasius prepositus Quinque ecclesiensis totumque eiusdem loci capitulum omnibus Christi fidelibus presens scriptum cernentibus salutem in domino Iesu Christo Ad universorum notitiam harum serie volumus pervenire quod Ioan Faber in nostra constitutus presentia confessus [est] se renunciasse et cessisse voluntarie omni questioni seu actioni quam contra venerabilem virum Salomonem abbatem Sancti Martini super facto quondam uxoris sue sororis eiusdem abbatis habuerat vel si quam umquam habuisse potuisset ita quod nullo umquam tempore memoratum abbatem super facto iam dicte domine sororis eius aut ipsam dominam aliqua ratione poterit inpetere vel aliquatenus molestare presumserit cum idem Ioan recognoverit coram nobis sepe dictam dominam tenera adhuc etate parentibus in alia longinqua diocesi constitutis altero etiam viro fuisse subarratam propter quod precipue contra salutem anime sue eam noluit sicut nec debuit rehabere Et nos assertione huiusmodi intellecta et a partibus diligenter inquisita ipsi Ioan auctoritate domini nostri episcopi qua fungimur in hac parte licentiam tribuimus contrahendi cum alia si sue placuerit voluntati nichilominus et illam viro cui prius fuerat desponsata permisimus copulari Et ne super hoc aliqua in posterum possit oriri dubietas presentes litteras concessimus sigilli nostri munimine roboratas Actum anno gratie MCCXLIX mense Martio Yurcone cantore Theodoro custode Stephano decano et archidiacono de Wag ceterisque quam pluribus ibidem existentibus Datum per manus magistri Petri lectoris Quinque ecclesiensis