Charter Document - 04230187
| Charter Number: | 04230187 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1245 |
| Date type: | Internal, A.D. |
| Resource Link(s): |
Monasterium.net |
Charter:
Capitulum ecclesie Leuriensis universis Christi fidelibus tam presentibus quam futuris presentes litteras inspecturis salutem in eo qui est salus omnium Ad universorum notitiam tenore presentium volumus pervenire quod uxor quondam Opuch de villa Sceuleus ad nostram accedens presentiam confessa est se donasse pro remedio anime sue ecclesie Sancti Martini de Sacro Monte Pannonie octo capita hominum videlicet Iacobum de villa Elbu cum filio et terra sua existente in eadem villa Dukam Gyurcam et alium Gyurcam Laurentium quoque Thybam et Elyam quos nulla servitute teneri constituit nisi ut singuli annis singulis prefate ecclesie dimidium tantum fertonem solvere teneantur Ne autem processu temporum donatio prefate domine per cognatos vel heredes suos in irritum possit revocari ad petitionem predicte domine presentes litteras sigillo capituli nostri munitas abbati et conventui predicte ecclesie dari fecimus anno dominice incarnationis MCCXL quinto Chepano preposito Leuriensi Syxto cantore Thoma custode Matheo decano magistro Wyrunthone archydiacono Leuriensi existentibus