Charter Document - 04230185
| Charter Number: | 04230185 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1244 |
| Date type: | Internal, Calendar, Papal |
| Resource Link(s): |
Monasterium.net |
Charter:
Innocentius episcopus servus servorum Dei dilecto filio nobili viro [] duci Austrie salutem et apostolicam benedictionem Dilecti filii [] abbas et conventus monasterii Sancti Martini de Pannonia sua nobis petitione monstrarunt quod cum dudum quidam eorum nuntii quos ipsi ad sedem apostolicam destinabant in terra tua a quibusdam predonibus quadam pecunie summa et rebus aliis fuerint spoliati et felicis recordationis G[regorius] papa predecessor noster tibi sua scripta direxerit ut eis restitui faceres sic ablata certis nichilominus monitoribus deputatis ut te ad id efficaciter inducere procurarent tu licet ablata predicta te promiseris redditurum in nullo tamen eis extitit satisfactum Quocirca nobilitatem tuam attente rogamus per apostolica tibi scripta mandantes quatinus si est ita dictis abbati et conventui de prefatis predonibus exhiberi facias iustitie complementum ita quod exinde devotionem tuam dignis possimus in Domino laudibus commendare Datum Lugduni III Kalendas Ianuarii pontificatus nostri anno secundo