Charter Document - 04230170

Nos conventus monasterii Sancti Adriani de Zala memorie commendamus quod Benkus litteratus famulus et procurator domini Favi abbatis et conventus per modum protestationis nobis detexit quod prout ipsis daretur intelligi magister Iacobus filius Michaelis et quidam alii quasdam terras et iura in possessione Gunyeu vocata cum mansionibus insulis et piscaturis specialiter Tanya et Eurem nominatis aliisque utilitatibus suis ad dictos dominum abbatem et conventum ac monasterium ipsorum legitime pertinentibus in quorum omnium pacifico et plenario dominio a temporibus clare memorie domini Andree regis extitissent et essent indebite usurpare et pro se occupare niterentur et vellent in animarum suarum dispendium et dicti monasterii ac abbatis et conventus eiusdem grave dampnum unde huiusmodi protestatione ante missa idem Benkus clericus predictum magistrum Iacobum filium Mychaelis et alios quoslibet universos a predictarum terrarum et iurium mansionum insularum et piscaturarum nec non aliarum quarumlibet utilitatum ad abbatem et conventum antedictos eorumque ecclesiam ut premittitur spectantium illicita usurpatione et pro se occupatione ac obtentione vel se de eisdem intromissione factis usque modo quovis ordine vel in posterum faciendis serenitatem insuper regiam ab omnimoda collatione concessione et donatione omnium et singulorum iurium prefatorum sepe dicto magistro Iacobo aut aliis facienda vel forsitan facta hactenus quovis modo nominibus et vice memoratorum domini abbatis et conventus prohibuit contradicendo aperte vocis ministerio coram nobis petens in signum prohibitionis et contradictionis sue in premissis nostrum sibi concedi testimonium litterale quod et fecimus ne videremur communi iustitie derogare Datum anno gratie millesimo ducentesimo XXXVIIII IIII Kalendas Septembris