Charter Document - 04230142
| Charter Number: | 04230142 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1235 |
| Date type: | Internal, Papal |
| Resource Link(s): |
Monasterium.net |
Charter:
Gregorius episcopus servus servorum Dei dilectis filiis [] maioris ecclesie et [] Sancti Thome Strigoniensis prepositis salutem et apostolicam benedictionem Sua nobis NeWronus et Anselmus Luici petitione monstrarunt quod cum eis de iudaice pravitatis errore ad fidem orthodoxam conversis dilectus filius [] abbas Sancti Martini de monte Pannonie Geuriensis diocesis in quadam pecunie summa et rebus aliis promiserit quoad vixerint annis singulis providere prout in litteris suis perspeximus contineri ipse id efficere contra iustitiam denegavit Unde eidem abbati nostris damus litteris in mandatis ut dictis N[ewrono] et A[nselmo] iuxta promissionem suam sic liberaliter studeat providere quod eos ad fidem catholicam non peniteat accessisse et nos devotionem suam debeamus merito commendare Ideoque discretioni vestre per apostolica scripta mandamus quatinus si dictus abbas mandatum nostrum neglexerit adimplere vos eum ad id monitione premissa per censuram ecclesiasticam appellatione remota previa ratione cogatis Datum Perusii VII Idus Maii pontificatus nostri anno nono