Charter Document - 04230116

Iacobus miseratione divina Prenestinus electus apostolice sedis legatus universis presentes litteras inspecturis salutem in Domino Ad universitatis vestre notitiam volumus pervenire quod cum inter fratrem Ioancam procuratorem Urie abbatis et conventus Sancti Martini de Sacro Monte Pannonie ex una parte et Berillum sacerdotem Sancti Georgii de villa Ioba procuratorem seu sindicum sacerdotum de Samard de Gan de Endred de Keurushig de Zovlad de Cepel de Tur de Gomas de Chega de Kerali et de Ioba et ceterarum ecclesiarum in Simigiensi comitatu existentium ex altera questio in nostri presentia verteretur questionis cuius tenor talis erat Vobis domino I[acobo] Prenestino electo apostolice sedis legato conqueror procuratorio nomine ego Ioanca procurator seu sindicus domini abbatis et totius conventus Sancti Martini de Pannonia et peto quod inhibeatis sacerdotibus in Simigiensi comitatu existentibus scilicet de Samard de Gan [] supradictis ut cessent ab exactione cubulorum cuiuslibet speciei ab hominibus cuiusvis conditionis propria horrea et cellaria habentibus cum per huiusmodi collectionem ecclesia nostra graviter ledatur et dampnificetur Dampna autem que singuli eorum singulis a[nnis] ab octo annis infra nobis fecerunt extimamus quolibet anno pro singulis eorum unam marcam argenti unde iustitiam petimus Item petimus quod faciatis nobis solvi [a singulis] eorum tres marcas argenti in quibus fuerunt condempnati nobis a iudicibus delegatis videlicet [] episcopo Vaciensi et suis coniudicibus Item petimus resarciri dampna que [ratione huius] facti passi sumus eundo ad Romanam curiam et ibi moram faciendo et redeundo in prosecutione huius cause que omnia extimamus scilicet [iter] et expensas LXX marcas Salvo iure [] Lite coram nobis legitime contestata positionibus confessionibus et allegationibus ab utraque parte factis placuit utrique parti a lite recedere et ad talem compositionem seu concordiam devenire Ego Berillus sacerdos ecclesie Sancti Georgii de Ioba procurator sacerdotum Simigiensium iuro in animam meam iurare et promitto pro me bona fide et sine fraude quod iurare faciam et promittere eodem modo predictos sacerdotes quorum procurator sum quod nos non impediemus nec impediri faciemus per nos vel per alios nec consilium vel auxilium dabimus quo minus dominus [] abbas et conventus Sancti Martini vel eorum officialis seu decimator integre et sine aliqua diminutione ab omnibus hominibus cuiuscumque conditionis sint propria horrea et cellaria habentibus iustas et integras decimas percipiant et exigant iuxta morem Et sub eodem promittimus iuramento quod quandocumque requisiti fuerimus ab abbate et conventu Sancti Martini vel eorum officialibus super eo quod aliquis vel aliqui de parrochianis nostris iustas decimas eis debitas denegaverint per interdictum ecclesie ad solutionem decimarum eosdem diligentius compellemus Et hec omnia facere curabimus bona fide Ne igitur super hoc aliquod dubium aliquo tempore oriatur in testimonium dicte compositionis presentes dedimus litteras nostri sigilli munimine roboratas Actum Strigonii III Idus Septembris anno gratie MCCXXXIII pontificatus domini Gregorii noni pape anno septimo