Charter Document - 04230115
| Charter Number: | 04230115 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1233 |
| Date type: | Internal, A.D. |
| Resource Link(s): |
Monasterium.net |
Charter:
Universis presentes litteras inspecturis Bartholomeus divina permissione Vesprimiensis episcopus salutem in Domino Ad universorum volumus notitiam pervenire quod cum venerabilis abbas et conventus Beati Martini de Sacro Monte Pannonie traheret nos in causam coram reverendo patre domino I[acobo] Prenestino electo apostolice sedis legato super capella de villa Sarasou quam ipsi dicebant quod nos ipsam fieri faciebamus in eorum preiudicium et gravamen nec non et dampnum et iniuriam matricis ecclesie ipsorum in Keurushig nos confessi fuimus et promisimus viva voce quod dicta capella fiat absque omni iniuria et lesione eorum et illud ius habeant ipsi in capella iam dicta quod in ipsa matrice ecclesia habere noscuntur Et ut presens scriptum robur habeat firmitatis ipsum nostri sigilli munimine fecimus communiri Actum anno Domini millesimo CCXXX tertio mense Septembri