Charter Document - 04230110
| Charter Number: | 04230110 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1232 |
| Date type: | Internal, Calendar, Papal |
| Resource Link(s): |
Monasterium.net |
Charter:
Gregorius episcopus servus servorum Dei venerabili fratri [] episcopo Vesprimiensi salutem et apostolicam benedictionem Dilecti filii [] abbas et conventus monasterii Sancti Martini de Pannonia nobis humiliter supplicarunt ut compositionem que inter ipsos ex parte una et [] archidiaconum Simigiensem rectores ecclesiarum et presbyteros archidiaconatus ipsius Vesprimiensis diocesis ex altera su per decimationibus hominum conditionalium propria cellaria et orrea habentium in comitatu et archidiaconatu Simigiensi existentium amicabiliter intervenit observari per te inviolabiliter faceremus Ideoque fraternitati vestre per apostolica scripta mandamus quatinus compositionem eandem sicut sine pravitate provide facta est et ab utraque parte sponte recepta facias ut teneris per censuram ecclesiasticam appellatione postposita firmiter observari Alioquin venerabili fratri nostro [] Nitriensi episcopo et [] de Chunt et [] de Rabacuz archidiaconis Strigoniensis et Geuriensis diocesis per litteras nostras iniungimus ut te in executione mandati nostri cessante ipsi illud hac vice appellatione postposita exequantur Datum Spoleti Idibus Iulii pontificatus nostri anno sexto