Charter Document - 04230108
| Charter Number: | 04230108 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1232 |
| Date type: | Internal, A.D., Regnal |
| Resource Link(s): |
Monasterium.net |
Charter:
In nomine Sancte Trinitatis et Individue Unitatis Andreas Dei gratia Hungarie Dalmatie Crohatie Rame Servie Galitie Lodomerieque rex in perpetuum Pia est fides et sancta devotio qua peccata delinquentium elemosinarum largitione redimi posse quivis catolicus non desperat ut ea que humane conditionis fragilitas contra divina precepta conmittit benignitas indulgeat Salvatoris dum suis pauperibus misericorditer erogantur que ipsius misericordia ad sustentationem vite presentis humano generi contulit possidenda Hac itaque consideratione inducti pro salute nostra et progenitorum nostrorum monasterio Sancti Mauricii de Bely dum illuc post ingressum nostrum de partibus transmarinis causa visitandi accessissemus videntes illud multis antecessorum nostrorum institutis destitui ad relevandam eius inopiam de proventibus salium terrestrium de Zolocha triginta marcas in argento vel in equipollentibus in quolibet anno in pentecosten contulimus iure perpetuo persolvendas statuentes firmiter ut salinarii qui pro tempore constituti fuerint iam dicte summam pecunie in termino supradicto memorato monasterio iuxta formam sicut pretaxatum est sine aliqua diminutione solvese teneantur Ut igitur hec a nobis liberalitate regia facta donatio nullis unquam temporibus possit retractari sed in generationes generationum salva et inconcussa semper permaneat in argumentum donationis a nobis sollempniter facte presentem concessimus paginam privilegiantis sigilli nostri munimine in perpetuum roboratam Datum per manus reverendi Vgulini Colocensis archiepiscopi et aule regie cancellarii anno dominice incarnationis MCCXXXII venerabili Robertho Strigoniensi archiepiscopo existente Cletho Agriensi Gregorio Geuriensi Bartolomeo Wesprimiensi Brictio Waciensi Bartholomeo Quinqueecclesiensi Renaldo Transsilvano Bulchu Chenadiensi Benedicto Waradiensi episcopis ecclesias Dei feliciter gubernantibus Dionisio comite palatino Benedicto filio Samud aule nostre curiali comite Ladislao Mussuniensi Nicolao Baachiensi Buzad Supprumiensi comitibus Nicolao tavarnicorum Phyla dapiferorum Michele agasonum Stephano pincernarum magistris et aliis quam pluribus magistratus et comitatus tenentibus regni autem nostri anno vicesimo nono