Charter Document - 04230104
| Charter Number: | 04230104 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1231 |
| Date type: | Internal, A.D., Feast |
| Resource Link(s): |
Monasterium.net |
Charter:
U[rias] Dei gratia abbas Sancti Martini et eiusdem loci conventus omnibus Christi fidelibus ad quos presentes littere pervenerint salutem in Domino Ad universorum notitiam tenore presentium volumus pervenire quod nos causa pietatis confessimus et promisimus quod si Paulinus comes posset obtinere a domino rege A[ndrea] Hungarie totam terram villarum de Uduorch simul cum nostro adiutorio ipse medietatem rectam ipsius terre nobis daret similiter si nos possemus eandem terram habere a domino rege cum adiutorio P[aulini] comitis ipsius terre medietatem sibi daremus Si autem dominus rex susciperet et promitte[re]t dare comiti Paulino terram vel villam in alio loco tunc nos totam terram villarum Udorch plenarie possideremus Ut autem hec conventio non possit tradi oblivioni presenetem paginam fecimus dividere per alfabetum ita quod una pars quam vellet retinere Paulinus comes penes se esset roborata munimine sigillorum nostrorum alia autem pars quam nos vellemus retinere esset sigillata sigillo capituli Geuriensis Actum in dominica Exurge anno Domini MCCXXXI