Charter Document - 04230102
| Charter Number: | 04230102 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1231 |
| Date type: | Internal, Calendar, Papal |
| Resource Link(s): |
Monasterium.net TELMA - Aposcripta |
Charter:
Gregorius episcopus servus servorum Dei dilectis filiis [] abbati et conventui Sancti Martini de Pannonia ordinis Sancti Benedicti salutem et apostolicam benedictionem Ea que iudicio vel concordia terminantur firma debent et illibata persistere et ne in recidive contentionis scrupulum relabantur apostolico convenit presidio communiri Eapropter dilecti in Domino filii vestris iustis precibus inclinati compositionem inter vos ex parte una et ecclesiam Vesprimiensem ex altera per bone memorie Innocentium papam predecessorem nostrum super quibusdam decimis in comitatu Simigiensi existentibus amicabiliter initam auctoritate apostolica confirmamus et presentis scripti patrocinio communimus Nulli ergo omnino hominum liceat hanc paginam nostre confirmationis infringere vel ei ausu temerario contraire Si quis autem hoc attemptare presumpserit indignationem omnipotentis Dei et Beatorum Petri et Pauli apostolorum eius se noverit incursurum Datum Laterani VIII Kalendas Maii pontificatus nostri anno quinto