Charter Document - 04230101
| Charter Number: | 04230101 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1231 |
| Date type: | Internal, A.D. |
| Resource Link(s): |
Monasterium.net |
Charter:
Conventus Beati Martini de Sacro Monte Pannonie universis Christi fidelibus ad quos littere presentes pervenerint salutem in Domino Ad universorum notitiam tenore presentium volumus pervenire quod cum dominus Urias abbas noster contulisset quandam vineam in Nylka Socrou suo fideli servienti nomine Benke de Barsunus perpetuo possidendam eandem vineam idem Benke vendidit cuidam serviciali ecclesie nomine Necku de villa Torian Et ut ipsam vineam decursu temporis non possit aliquis aliqua occasione a dicto N[ecku] vel a suis filiis recipere vel alienare presentem paginam divisam per alfabetum sibi duximus nostro sigillo roboratam concedendam Itaque una pars servabitur penes ipsum Necku vel suos filios altera autem deponetur in camera ecclesie Datum per manus Urbani anno Verbi incarnati millesimo CCXXX primo