Charter Document - 04230089
| Charter Number: | 04230089 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1228 |
| Date type: | Internal, Papal |
| Resource Link(s): |
Monasterium.net |
Charter:
Gregorius episcopus servus servorum Dei venerabilibus fratribus [] Waciensi et [] Nitriensi episcopis salutem et apostolicam benedictionem Dilecti filii [] abbas et conventus Sancti Martini de Pannonia nobis humiliter suplicarunt ut cum in desiderio gerant ut asserunt ecclesiam Sancte Marie de Salla ad monasterium ipsorum spectantem rehedificatam quidem et ampliatam per ipsos honorifice consecrari et eadem ecclesia una sit de monasterii predicti cellis que cum eo gaudent privilegio libertatis ipsius ecclesie consecrationem vobis committere dignaremur Nos ergo pium votum ipsorum favorabiliter prosequentes fraternitati vestre per apostolica scripta mandamus quatinus si est ita auctoritate nostra cum ab eis fueritis requisiti predictam ecclesiam sine alieni iuris preiudicio consecretis Quod si non ambo hiis exequendis potueritis interesse alter vestrum ea nichilominus exequatur Datum Laterani V Idus Ianuarii pontificatus nostri anno primo