Charter Document - 04230083
| Charter Number: | 04230083 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1227 |
| Date type: | Internal, Calendar, Papal |
| Resource Link(s): |
Monasterium.net |
Charter:
Gregorius episcopus servus servorum Dei dilecto filio [] abbati Sancti Martini de Pannonia salutem et apostolicam benedictionem In nostra proposuisti nuper presentia constitutus quod preter sollicitudinem quam impendisse te asseris in edificiis monasterii tui et officinalium domorum suarum que combusta et destructa fuisse dicebas circa ipsius monasterii possessiones augendas recuperando que de bonis suis alienata erant ab ipso conservandas libertates et immunitates eiusdem ac utilitates suas alias promovendas diligens studium impendisti Acquisisse namque te dicis ipsi monasterio plures villas Moluam videlicet et duas que clericorum dicuntur et Sataram ac eam que Nova dicitur et de Odwerri de Precha de Sancta Cruce de Elbeu de Sceuleus de Sochrou de Catl de Petend cum terris de Barsunus et de Winar necnon predia de Nema de Assuanteu cum molendinis de Sichou et Gamas et Higmogos et in silva Seliz Recuperasti etiam sicut te referente accepimus decimas quasdam a Simigiensi ecclesia templariis et hospitalariis ac villis suis et Albensibus canonicis in Sumigiensi comitatu existentibus atque Latinis Albensibus populis Vesprimiensis episcopi et etiam a Bissenis Et quia in acquirendis et recuperandis predictis aliquamdiu converteras redditus predii de Kanesa de piscina Miraceh de Batha de Budug de piscatoribus de Sala ad mensam fratrum tuorum spectantes ipsos mense restituisti eidem et eis redditus de Sala de quinque villis de tributis de decimis de prediis suis et de ecclesia cum omnibus suis appendiciis adiuncxisti proventibus ecclesiarum Sancte Marie Sancti Wilibaldi Sancti Martinini de Pannonia et Sancti Martini de Keurishig de Tepey et Sancti Ladislai de Selyz ac omnium sanctorum de Temerd luminaribus tui monasterii deputatis Nos ergo tuis supplicationibus inclinati predictas villas terras predia molendina et decimas eidem monasterio sicut ea iuste possidet et quiete necnon quod a te provide ac canonice factum est circa redditus et proventus mense predicte ac luminaribus assignatos auctoritate apostolica confirmamus et presentis scripti patrocinio communimus Nulli ergo omnino hominum liceat hanc paginam nostre confirmationis infringere vel ei ausu temerario contraire Si quis autem hoc attemptare presumpserit indignationem omnipotentis Dei et Beatorum Petri et Pauli apostolorum eius se noverit incursurum Datum Anagnie XVI Kalendas Octobris pontificatus nostri anno primo