Charter Document - 04230081
| Charter Number: | 04230081 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1227 |
| Date type: | Internal, A.D., Regnal |
| Resource Link(s): |
Monasterium.net |
Charter:
Andreas Dei gratia Hungarie rex universis presentes litteras inspecturis salutem et omne bonum Ad universorum notitiam tenore presentium volumus pervenire quod cum Iacobus filius Zochyu de villa Ganu qui peccatis suis exigentibus prole virilis sexus carebat qui etiam de iobagionibus ad nostram reginam pertinentibus qui ad exercitum ire solent originem duxerat ex consensu et beneplacito nostro ac carissime coniugis nostre domine Yoles regine in remissionem omnium peccatorum suorum terram suam ad culturam unius aratri cum piscina et silvula ac duabus mansionibus servorum de predicta villa Ganyu ecclesie nostre scilicet monasterio Beati Martini de monte Pannonie tali conditionis serie interposita ut quamdiu viveret dicta terra sua ad usum ipsius nullo contradicente deserviret perpetuo contulisset possidendam nos ipsius donationem iustam et utilem fore recognoscentes ad eius instantem petitionem ut perpetue stabilitatis obtineat robur presentem concessimus paginam duplicis sigilli nostri munimine roboratam Datum anno dominice incarnationis MCCXXVII regni nostri anno vigesimo quarto