Charter Document - 04230072
| Charter Number: | 04230072 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1225 |
| Date type: | Internal, Papal |
| Resource Link(s): |
Monasterium.net |
Charter:
Honorius episcopus servus servorum Dei venerabili fratri [] episcopo Waciensi et dilectis filiis [] Waradiensi et [] de Feldwar abbatibus Quinquecclesiensis diocesis salutem et apostolicam benedictionem Dilectorum filiorum [] abbatis et conventus monasterii Sancti Martini de Pannonia petitio continebat quod quondam Gualferus comes constructa quadam ecclesia in quodam monte nomine Quizin munitioni apto sed loco inhabitabili et deserto de assensu tandem inclite recordationis G[eise] regis Vngarie [] episcopi diocesani et aliorum regni nobilium ecclesiam ipsam monasterio predicto concessit in qua iuxta ipsius comitis desiderium abbas monasterii memorati conventum instituit et [tres ei] per tempora prefecit abbates Postmodum vero clare memorie [Bela] prefati regis filius suggestione quorundam ecclesiam ipsam remotis inde personis cum eodem monte sibi pro munitione recepit promittens quod locum alium ad ecclesiam aptiorem et plura etiam in possessionibus et aliis quam eadem haberet ecclesia donaret eisdem quod nec ipse implevit morte preventus nec per carissimum in Christo filium nostrum A[ndream] illustrem regem Vngarie quem super hoc sepe rogavimus id hactenus factum fuit Nunc autem Demetrius comes montem eundem cum predicta ecclesia et possessionibus ad eam pertinentibus ex regia ut dicit donatione detinet et reddere contradicit Comes quoque predictus partem cuiusdam insule in Danubio Obda videlicet ipsis per privilegia eis regia confirmatam cum decem servorum et quatuor piscatorum mansionibus detinet violenter Cum autem eidem regi super hoc affectuose scripserimus vobis monitoribus deputatis discretioni vestre per apostolica scripta mandamus quatinus si per regem ipsum vel per monitiones vestras predictorum restitutio facta non fuerit vos comitem ipsum ad restitutionem eandem per censuram ecclesiasticam appellatione remota mediante iustitia compellatis Quod si non omnes hiis exequendis potueritis interesse tu ea frater episcope cum eorum altero nichilominus exequaris Datum Laterani VI Idus Martii pontificatus nostri anno nono