Charter Document - 04230064
| Charter Number: | 04230064 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1222 |
| Date type: | Internal, A.D. |
| Resource Link(s): |
Monasterium.net |
Charter:
G[uncellus] Dei gratia Spalatensis archiepiscopus et V[rias] eadem gratia abbas et totus conventus Beati Martini in Pannonia omnibus Christi fidelibus presens scriptum inspecturis salutem in Domino Universitati vestre notum facimus quod inter dominum G[uncellum] venerabilem Spalatensem archiepiscopum et nos has mutuas fecimus donationes quod terram de Rvozd ad unum aratrum cum silva prato et pomerio quam ab ipso pridem acceperamus pro commutatione cuiusdam loci qui Vinula dicitur sibi in hunc modum reddidimus ut donec viveret nostram iure iurando diligeret ecclesiam et sibi fidelis esset ipso vero decedente cum omni possessione quam ibidem ipse archiepiscopus ordinaverit ad usum nostrum predictam terram recipiemus Similiter et ipsius propriam terram que vulgo Vinula dicitur cuius medietas cum prato tantum spectat ad ipsum medietas vero pertinet ad fratrem suum C sua ut diximus portio plenarie et absque omni contradictione in ius hereditarium nostre approprietur ecclesie He contra nos in signum amoris quatuor sibi dedimus boves et ipsum iure iurando bona tenemur fide semper diligere et pro posse nostro honorare et quamdiu veniens in villam Ruzd moram fecerit sibi prebendam cum mensura sicut uni de fratribus dare tenemur et annuatim sicut consuetudo est ecclesie sibi bottas cum pellicio dabimus Et ut hoc scriptum firmum illibatumque perpetuo permaneat sigillorum nostrorum munimine corroboravimus et sigillo eiusdem archiepiscopi communiri fecimus et abbatis Waradiensis in cuius presentia hec confirmavimus Anno ab incarnatione Domini MCCXXII