Charter Document - 04230059

In nomine Sancte Trinitatis et Individue Unitatis Andreas Dei gratia Hungarie Dalmatie Croatie Rame Servie Galitie Lodomerieque rex in perpetuum Regie serenitatis provida circumspectio sicut in conferendis beneficiis pro meritorum exigentia singulis se debet manu larga liberaliter exhibere ita pariter ad collatorum conservationem tenetur non impari sollicitudinis studio vigilare ut et que contulit faciat pacifice possideri et quicquid quilibet Christo fidelium ex bonis suis quolibet iusto titulo acquisitis salubriter disposuerit sive in ultimis voluntatibus seu et inter vivos ratum habeat et sue auctoritatis interventu inconcussam ei tribuat firmitatem Hinc est quod noster fidelis videlicet Wros abbas ecclesie Sancti Martini de Pannonia quem attendentes meritorum prerogativa ceteros precellere et servitiorum continuata longevitate pluribus preminere qui nec importune postulans nec ambitiosis insistens precibus nostram presentiam adiens a nobis humiliter postulavit quod possessionem videlicet terras cum earundem incolis [] pertinentiis suis quas quilibet ob remedium salutis anime sue ut per hec temporalia eterna reciperet ecclesie Sancti Martini sub testamento dimiserat et etiam alia que idem abbas a manibus diripientium et falso occupantium de iure ecclesie per iudicis arbitrium iusto examine receperat nec non et alia que emptionis titulo possederat seu que pro peccunia ecclesie non indebite sed iuste requisierat auctoritatis nostre munimine ne in posterum aliquo unquam tempore per dolositatis seminarium et versutie calumpniam quicquam ex his diminui vel revocari valeret in irritum roborari faceremus Nos vero quia nostrum est specialiter ecclesiis regalibus pia sollicitudine providere petitionem iam dicti abbatis admittentes presentem paginam in generationes generationum illibate conservandam nostro privilegio iussimus roborari Donationem igitur quam Catlu prenominato monasterio fecit hec est Partem que ipsum in terra Elbu contingebat cum incolis suis quorum nomina sunt hec Gueca cum filio Gosol cum tribus filiis Zubus per se Ferca cum filio Georgii Buguar Quida Beud cum duobus filiis et filius Michelis Hecy cum tribus filiis Nepleguen cum duobus filiis Deca cum filio Nugulm filium China Gouci Vici cum duobus filiis Vida Vitalis cum uno filio Gouci Hodus Geur Deca cum tribus filiis Hab Zenka cum filio Lugumer cum duobus filiis Mozou cum duobus filiis Chomou cum duobus filiis filius Gervasii Bocii Chima cum tribus filiis Cema et Elus Item dedit servum nomine Lazou cum uxore et quatuor filiabus Item partem quam in terra Sceleus habebat cum incolis suis Item duos servos videlicet Micou Vencir cum vineis quas colebant ut annuatim cum tunella vini serviant suas exsequias Item servum nomine Ceplet cum filiis et cum vinea quam colit servire domui infirmorum fratrum Item terram Catlu prope insulam quam proprie possidebat iam dicte ecclesie silve dimisit Item pars que ipsum in terra Socorou et in Barana et in predio Catlu contingebat eidem ecclesie reliquid Item Ambrosius frater eiusdem Catlu dedit eidem ecclesie partem quam in predio Barsunus quod vocatur Catlu habebat cum incolis suis et partem fratris sui quam ab ipso acceperat cum parte sua quam habuit in Elbuu quorum incolarum nomina sunt hec Paul cum duobus filiis Chub cum quatuor filiis Alchica cum filio Zada cum duobus filiis Leguenus cum tribus filiis Partem etiam suam quam in terra Sceleus habebat cum silva et servis ad ipsum pertinentibus videlicet Wesec et filio eius et cum una vinea eidem ecclesie assignavit Item Leustachius et uxor sua nomine Hilta dederunt predium Preccha cum sex aratoribus et duobus aratris quorum videlicet aratorum nomina sunt hec Sop Chempez Wasard Pozor Chumur Etcha Item sex vineas cum vinitoribus novem quorum nomina sunt hec Pancasa Buhta Michal Guzu Pot Chotober Hega Adamas Pentuk Item dederunt centum oves cum tribus pastoribus quorum nomina sunt hec Bychu cum duobus filiis videlicet Renquez et Iwan Item equas indomitas triginta dederunt Item iobagiones quorum nomina sunt hec Buusa cum duobus filiis videlicet Wina et Tyuuan Chotad cum duobus filiis Heuseb et Theku Julianus cum filio Benca Eusud Forta Poson Istos vero quatuor videlicet Obus Zarou et Domosc dimisit uxori sue servire coadusque vixerit post obitum vero ipsius ad iam dictum monasterium sicut ad ipsum pertinebant pleno iure pertineant Item dederunt quinque pedisequas ad lavanda vestimenta altarium et mensalia abbatis atque fratrum quarum nomina sunt hec Cug Huguia Leuchud Tala Cunca Item dederunt in insula Abada predium cum decem mansionibus libertinorum et predium nomine Petend cum decem mansionibus libertinorum [] ad ipsos pertinentibus et partem etiam suam quam [habuerit in] Winar Preterea confirmamus predium Petend quod abbas iam dicte ecclesie a Geur filio Geren pro sexaginta et sex marcis receperat cum servis libertinis [] pertinentiis Item iobagiones quos magister Geur filii Geren pro remedio anime sue ecclesie Beati Martini reliquerat hiis exprimuntur vocabulis Leua Pous Tumpud cum quatuor filiis Nomina vero servorum sunt hec Budur Cosma Damian Disky Vina Hec sunt nomina ancillarum Zumbotca cum filia nomine Tepa et Christina per se Item confirmamus medietatem ville Ilbeu quam Opochs frater dicti Catlu cum iobagionibus suis [] pertinentiis ecclesie Beati Martini contulit quorum nomina sunt hec Dubur Michal Forcos cum posteris suis Ynoc Stephan Juan Jacobus Milud cum fratre suo Zegun Petur Paul Odou Cardinalis Munc cum filio Cema Ilcus Chymoz Nimuga Bella Hos omnes predictos cum posteris eorum universis et terra Preterea idem Opochs dedit eidem ecclesie servum nomine Bozou cum terra ad culturam quatuor boum sufficienti ut singulis annis suas exsequias faceret in festo Sancti Michelis in bove trienni et centum panibus et tunella cervisie Preterea partem in secundo predio eius nomine Zeleus quam tam in terra quam in silva habebat et servum nomine Iroslou cum duobus filiis et vinea et etiam vineam in vinea Ecchu et totam terram que in predio nomine Catlu prope ad insulam regis ad eius partem pertinet et quendam servum nomine Iroslou cum duobus filiis iam dictus O[pochs] ecclesie Beati Martini contulit Item confirmamus partem quam Egidius in villa Gamas cum duabus vineis et tribus nemoribus et cum uno aratro et terra sufficienti ad aratrum et cum servo nomine Apat et cum omnibus pertinentiis suis ecclesie Sancti Martini dimisit possidenda Item confirmamus etiam sententiam diffinitivam nostri palatini Nicolai filii Borz quam fecit contra Bissenos de Nogholm et Latinos Albenses ita quidem ut cum dicti Bisseni de patrimonialibus suis decimas dare non repudient immo inviti solvere compellantur multo magis de vineis suis in comitatu Sumigiensi emptitio acquisitis vel vinis emptitie congregatis dare teneantur et hoc idem de Latinis Albensibus dicimus ut vel de omnibus vinis suis tam emptis quam et suis propriis decimas integraliter persolvant vel usque ad festum Sancti Martini ab emptione vini desistant ut interim decimatores decimas de vino provenientes plene possint assignare vel si emere voluerint nonnisi consensu abbatis et recepto eius sigillo emere vel empta vinea aut sua propria ante dictum festum extrahere presumpmant Quod si quis ausu temerario aliter facere attemptaverit et in his culpabilis repertus fuerit tamquam furem condempnandum fore iudicavimus Item confirmamus et sententiam eiusdem nostri palatini quam fecit contra populos Wesprimiensis episcopatus in comitatu Sumigiensi constitutos pro decimis eorundem prout in tenore litterarum domini apostolici videlicet Innocentii tertii continetur quas eiusdem ecclesie abbati videlicet Wros super hiis idem apostolicus concesserat Datum per manus Cleti aule nostre cancellarii et Agriensis prepositi anno dominice incarnationis MCCXXI venerabili Iohanne Strigoniensi reverendo Vgrino Colocensi archiepiscopis existentibus Desiderio Chenadiensi Roberto Wesprimiensi Guillermo Transsilvanensi Thoma Agriensi Iacobo Watiensi Stephano Zagrabiensi Alexandro Waradiensi Bartholomeo Quinqueecclesiensi episcopis existentibus Nicolao filio Borz palatino et comite Supruniensi Ochuz bano Paulo filio Petri woiavoda Dionisio magistro tavarnicorum et comite de Bachs Jula maiore Budrugiensi et curie comite regine [] comitibus comitatus tenentibus regni nostri anno decimo et octavo