Charter Document - 04230053
| Charter Number: | 04230053 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1218 |
| Date type: | Internal, Calendar, Papal |
| Resource Link(s): |
Monasterium.net |
Charter:
Honorius episcopus servus servorum Dei dilectis filiis [] Strigoniensi et [] Iauriensi prepositis et [] archidiacono Iauriensi salutem et apostolicam benedictionem Ex parte dilectorum filiorum [] abbatis et conventus Sancti Martini de Pannonia nobis est oblata querela quod populus Biscenorum de villa Nogholm Vesprimiensis diocesis decimas vini ad eos de iure spectantes contra iustitiam detinent et reddere contradicunt Ideoque discretioni vestre per apostolica scripta mandamus quatinus partibus convocatis audiatis causam et appellatione remota fine debito terminetis facientes quod decreveritis per censuram ecclesiasticam firmiter observari Testes autem qui fuerint nominati si se gratia odio vel timore subtraxerint censura similiter appellatione cessante cogatis veritati testimonium perhibere Quod si non omnes hiis exequendis potueritis interesse duo vestrum ea nichilominus exequantur Datum Laterani VIIII [nono] Kalendas Decembris pontificatus nostri anno tertio