Charter Document - 04230050
| Charter Number: | 04230050 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1216 |
| Date type: | Internal, Papal |
| Resource Link(s): |
Monasterium.net |
Charter:
Innocentius episcopus servus servorum Dei venerabilibus fratribus I[aurie]nsi et Vesprimiensi episcopis [et dilecto] filio archidiacono Albensi Vesprimiensis diocesis salutem et apostolicam benedictionem Dilectorum filiorum [] abbatis et conventus monasterii Sancti Martini de Pannonia recepimus questionem quod venerabilis frater noster [] Strigoniensis archiepiscopus de quibusdam villis eorum Sala videlicet et Wac decimas sibi vendicare nititur minus iuste occasione quarum boves et res alias hominibus predictarum villarum in eorum preiudicium auferendo Ideoque discretioni vestre per apostolica scripta mandamus [quatinus] partibus [convocatis et auditis] causam appellatione remota fine debito terminetis facientes quod decreveritis per censuram ecclesiasticam firmiter observari Testes autem qui fuerint nominati si se gratia odio vel timore subtraxerint per districtionem eandem appellatione remota cogatis veritati testimonium perhibere Quod si non omnes hiis exequendis potueritis interesse duo vestrum ea nichilominus exequantur Datum Tuderti II Idus Maii pontificatus nostri anno [non]odecimo