Charter Document - 04230045
| Charter Number: | 04230045 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Religious |
| Charter Type(s): | Testimony |
| Date: | 1215 |
| Date type: | Internal, A.D. |
| Resource Link(s): |
Monasterium.net |
Charter:
Notum sit omnibus has litteras inspecturis quod nos Geuriensis episcopus et Waradiensis et de Bel abbates iudices fuimus a domino papa delegati in causa que vertebatur inter abbatem Sancti Martini ex una parte et abbatem et monachos Symigienses ex altera super decimis prediorum or reorum et cellariorum et populorum suorum et parrochianorum cappelle Sancti Petri et aliarum rerum que ad Symigiense monasterium pertinebant Has decimas abbas Sancti Martini predictus tanquam debitas suo monasterio vendicabat Cumque super hiis coram nobis aliquamdiu fuisset processum tamen recognoscentes monachi quod predicte decime ad ius et proprietatem monasterii Sancti Martini pertinerent iuraverunt in presentia nostra se de cetero predictas decimas integre soluturos Id ipsum abbas qui postmodum successit Erueus nomine recognovit et promisit coram nobis unacum monachis suis et testimoniales litteras suas et conventus concesserunt abbati predicto Nos autem predictam recognitionem ratam et firmam habentes has litteras testimoniales nostris sigillis munitas ad perpetuam rei memoriam et firmitatem fieri fecimus ut censeantur puplica munimenta Actum est hoc anno dominice incarnationis MCCXV