Charter Document - 04210374
| Charter Number: | 04210374 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | German |
| Charter Origin: | Lay |
| Charter Type(s): | Promise |
| Date: | 1299 |
| Date type: | Internal, A.D. |
| Resource Link(s): |
Monasterium.net |
Charter:
Ich Jans von Ror tun chunt allen den die disen prief ansehen oder hoerent lesen daz ich des gutes da ze hub daz in wacenchirchaer pfarr laeit halbes Hern vlriches von waeidenholtz gewer schol saein als ze reht ein Herre seines mannes gwer schol saein daz im div red staet vnd war blaeib vnd vnverchert da gib ich im ze vrchuend veber disen prief mit minem hangunden insigel Diser red sint geziug Her Friderich von chamer Her Salibrant von Geltingen Her velrich der Roet Her Ott von wegpach Chunrat der oenshaer vnd Heinrich sin pruder Ott von chamer Moerchel von der ashach vnd Diether sin prueder vnd wernhart von Rudloeichingen vnd ander piderb laeut Disiv hantfest ist gegeben do von christes gepurte waren ergangen Tausent iar vnd zwai hundert iar vnd nivn vnd nivnzikh iar ze waeihnachten do dise red ist ergangen