Charter Document - 04210370
| Charter Number: | 04210370 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | German |
| Charter Origin: | Lay |
| Charter Type(s): | Grant |
| Date: | 1299 |
| Date type: | Internal, A.D. |
| Resource Link(s): |
Monasterium.net |
Charter:
Ich Janse von Ror vnd her Heinrich min svn tvn chvnt allen den die nv sint vnd hernah chvnftich werdent Daz wir Chvnrat von Chappelle haben gegeben die lehenschaft einer hveb vf dem aderlazperge die der Ortolf der Chersperger vnd Heinrich von vns habent gehabt vnd swaz Chvnrat von Tragevn von vns hat gehat vnd wellen ovch des selben gvtes sin gewern sin ze hof vnd ze taidinge vnd an allen stat Daruber hab wir im gegeben disen prief ze einem sihtigen vrchvende gevestent mit vnsern jnsigeln Des sint gezevch Chvnrat von volchenstorf her Heinrich vnd her Heinrich beide Preuhaven her Friderich Chresselinch her vlrich der Rot her pernhart von ahleiten der wolfsperger vnd ander edel levte Daz ist geschehen do von christes gebvrte waren tavsent zwei hvndert jar in dem nevn vnd nevnzigisten jar in dem Mayen