Charter Document - 04210367

Wir Albrecht von gotes genaden romischer Chunich vnd ze allen zeiten merer des riches tun chunt allen den di disen brief ansehnt oder heornt lesn daz wir von den eltisten vnd den weisisten wissentlich eruarn haben vnsers gerihtes reht ob der Ens di habent daz gesagt ouf ir triwe daz dehain vnders gerihtte niht heohers wandel hat danne sehs schilling Ez sol ouch dehain chleoster noch dinstman vmb dehain sein altes aigen vor nieman ze reht sten danne vor dem Landes herren oder vor seinem rihter ez sei danne daz ein chleoster in dem Lande ein guet chouffet daz e daz vnder ge [] gedultet hab ze reht daz sol man ouch furbaz nach dem chouffe in demselben gerihtte verantw [] swaz aber grafen vreyn oder dinstman ouf chleoster gebnt da sol nieman hin rihten dann [] Lantrichter dem daz Lantgerihtte beuolhen ist von dem Landes Herren Ez sol ouch der selb ober [] totsleg notnunft gewalt vnd swaz an den tot gat rihten als ez fur in chumt vnd da [] vns daz mit gantzer gewishait fur gegebn ist wellen wir vnd gebieten von vnserm chun [] gewalt daz vnser furst der Hertzog von Osterrich diselben reht vmb sein lantgerihtte behalte [] haizze behalten als si hie vor geschriben sint vnd daruber daz daz stet vnd vnzerbrochn bele [] wir disen brief versigelt mit vnserm chunichlichem jnsigel Der brief ist gegebn ze zvrich [] dem mentag vor Mitteruasten do von gotes geburt waren Tousent iar zwai hundert iar [] dem nivn vnd neunczkisten jar in dem ersten jar vnsers riches