Charter Document - 04210364

Albertus dei gracia Romanorum Rex semper augustus vniuersis sacri Romani jmperij fidelibus presentes litteras inspecturis imperpetuum Ad hoc diuine pietatis prouisio in maiestatis regie solio nos locauit vt cuncta rimantes et iusticiam recensentes absque personarum delectu vnicuique quod suum est reddere debeamus Considerantes igitur quod nobis de ducatibus Austrie et Styrie quorum dominio et regimini prefuimus in minoribus potestatibus constituti ad Romanum gubernandum jmperium accersitis nulli dicioni nostre subiecto quanto forcius nec liberis nostris karissimis vt eisdem debitum geniture affectum et ordinem obseruemus jura sua debeamus aliquatenus denegare Notum fieri volumus tam presentis temporis quam future posteritatis jmperij Romani fidelibus vniuersis quod nos de libero et expresso consensu principum jmperij jus in eleccione regis Romani de jure et antiqua consuetudine obtinencium principatus siue ducatus Austrie et Styrie nec non dominia Carniole marchie ac portus nonis cum vniuersis honoribus juribus libertatibus et pertinencijs suis jllustribus Rudolfo Friderico Lupoldo et alijs filijs nostris karissimis apud Nuremberch cum vexillis et sollempnitate debita et consueta concessimus in feodum ac ipsos ceptro regio inuestiuimus de eisdem et principum jmperij numero consorcio et collegio aggregantes eosdem ipsisque jus principum concedentes ab eis pro principatibus et dominiis memoratis fidelitatis et homagij recepimus iuramentum Nulli ergo omnino hominum liceat hanc nostre concessionis infringere graciam vel eidem in aliquo ausutemerario contraire quod qui secus attemptare presumpserit grauem nostre maiestatis offensam se nouerit incurrisse In cuius rei testimonium et perpetui roboris firmitatem presentes litteras exinde conscribi et regie maiestatis nostre sigillo iussimus communiri Testes sunt venerabilis Gerhardus maguntinensis Wicboldus Coloniensis Boemundus Treuirensis et Chunradus Salzburgensis ecclesiarum archiepiscopi Lupoldus Babenbergensis Mangoldus Herbipolensis Heinricus Constanciensis Petrus Basiliensis Emcho Frisingensis et Wernhardus Pataviensis ecclesiarum episcopi Illustres Rudolfus comes palatinus Reni dux Bawarie Rudolfus dux Saxonie Otto Hermannus et Heinricus marchiones Brandemburgenses et Heinricus dux karinthie Spectabiles viri Johannes Burgrauius de Nuremberch Burchardus de Hohemberch Eberhardus de Wirtemberch Ludwicus de Oetingen Fridericus de Liningen Vlricus et Heinricus de Schelkelingen Hermannus de Sultz Georius et Chunradus comites Irsuti Fridericus de Ortemburch Albertus Heinricus et Albertus comites Goricie Otto de Strazberch Hermannus de Homberch et Rudolfus de Werdemberch comites Nobiles viri Otto de Ochsenstein Sifridus de Eppenstein Heinricus et Wernhardus de Schowemberch Hugo de Touvers Gerlacus de Bruberch et Nicolaus de Wartenuels Strennui viri Lutoldus et Albero de Chunringen Stephanus d Meichsowe Marschalcus Austrie Chalhous de Ebersdorf camerarius austrie Hertnidus de Wildonia Marschalcus Stirie Heinricus de Stubemberch Vlricus de Cappella Eberhardus Heinricus et Fridericus fratres de Waltse Hermannus marschalcus de Landemberch Bernoldus de Telesprunne Vlricus prueschinch et alij fide digni Signum domini Alberti Romanorum Regis jnuictissimj Datum in Nuremberch per manus Eberhardi de Lapide prepositi ecclesie Wizzemburgensis aule nostre cancellarij Anno domini MCC nonagesimo octauo xj kalendas Decembris jndictione xij regni vero nostri anno primo