Charter Document - 04210357

Wir Alber vnd Otacher vnd Peter drey bruder von lobenstain thun chunt allen den die dissen Brieff ansechen das wur vns mit einander vereinbart haben nach vnssrer freunt rath vmb So gethanen khriech als wur mit Einander Haben gehabt vmb lobenstein vnd vmb Hertenstain vnd wass darzue gehoert laeut vnd guet das wur dan Wiliglich wider zu sollen werffen vnd freuntlich vnd gutleich mit einander deillen wellen vnd soll vnser jssleichen von dem andern werden als Inss sein Vatter Vnuerchumbert hat lassen als ferner vnd vnser treier thaill mach gewegen Herrn Ottacher Herrn Alber Herrn Peter vnd wollen wur vns vereinen das wur einen tag uber vnsser Sach wellen Haben dess soll vns keiner jren das die Redt also Stet bleiwe vnd gancz so geben wur vnser jnsigel an disen Brief Zu ainer Vrkhundt jch wuttiger von lobenstein Chorherr zu Passau mit meinen brudern Ottaker Alber Peter vnd auch vnd vnser freunt die bey der Redt seind gewesen gebent jhre jnsigel Bede Piber H F Vnd H Wuckthal von Pnoue Dise Red ist geschehen in der freinstatt in Sand Kat Munster da von Christi geburth was tausent jahr vnd zway Hundert jahr vnd in dem Siben vnd Neunzigsten jahr des Monath tags von Sanct Nycolaus tag