Charter Document - 04210340
| Charter Number: | 04210340 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | German |
| Charter Origin: | Lay |
| Charter Type(s): | Grant |
| Date: | 1293 |
| Date type: | Internal, A.D., Feast |
| Resource Link(s): |
Monasterium.net |
Charter:
Ich volchmar von Gratz vergihe mit disem brieve vnd tun allen den chunt die in sehent hoerent oder lesent daz ich vnd min hovsfrowe fro Chunegunt meinem herren herrn Friderich dem altern herren von Pettowe gesatzzet han daz gut in dem Smeyr daz ich von im ze lehen han vnd han im daz gesatzzet vmb fvmfzich March lotiges silbers wiennisches gelotes avf sant Merteinstach der nv chvmftich wirt ist daz ich in ovf den tach des selben silbers niht enwer so sol im daz selbe vor genant guet in dem Smeyr verstanden sein im vnd sinen erben Vnd ist daz ich min gut loese so schol ich im daz selbe silber antwrten ze Pettowe Vnd daz ditz dinch Also staete beleibe des han ich im disen brief gegeben mit vrchvnde meines insigels vnd mit des gezevge Her Alber von Puchaim Her Gotschalch von werde Her chvnrat von praitenvelde Her Erekke von Swannberch woelvel von dem Holermvs Herwort der iunge von Erenhavsen vnd ander biderbe levte Daz ist geschehen vnd ist der brief gegeben ze wienne Nach christes geburt tavsent iar zwai hundert iar vnd in dem dritten vnd Nevnzigsten iar des Svntages voer sande veides tage