Charter Document - 04210333

Ich Albrecht hern Albrechts svn von sant Peternelle vergich offenliche an disem briefe vnt tvn chvnt allen den di disen brief lesent oder hoernt lesn die nv lehnt vnd die hernach chvnftic werdent daz ich mit gutm willen versettzet han allez daz ich ze Stettlndorf gehabt han zv rechtem lehen von minem herren dem Graven ffriderich pvrcraven von Nvrnberch mit allen div vnt dazv gehoert verlehent vnt vnverlehent ze holtz vnt ze velde versuecht vnd vnversvcht vnd daz gericht in dem dorffe da der stokk vnt der Galge zve gehoert mit allem rechte ez si tot slach oder wvnden def oder notnvft vnd sv richten ein igliche sache in dem dorffe ze Stetelndorf ffver fvemf hvndert marich loetigs silbers vnd pin ovch des gar gewert vnd han oech dem vorgenanten hern welrichen von Chapelle daz selbe gericht ovf gegeben vor minem herren dem hertzogen albrecht von Oesterriche wan er ez zv recht lihen hol Daz also disiv satzvnge stet vnd vnverwandelt belibe dar vber gib ich Albrecht von sant Peternelle disen brief ze einem vrchvnde versigelt mit meinen aygen jnsigel Des sint gezivge die hie geschriben sint Her Stephan von meichsowe her ffridrich der Trvchsetz von Lengenpach her Chunrat von Pilichtorf her Ott von haselowe her Albrecht von Pvchhaim her Livpolt von Sachsengange vnd ander biderb levte Diser brief ist ze wienn gegeben do von Christes gebvrt warn to[]sent Jar zway hvndert jar Nyvnzich jar vnd zway jar an sant agnes tage