Charter Document - 04210320
| Charter Number: | 04210320 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | German |
| Charter Origin: | Lay |
| Charter Type(s): | Sale |
| Date: | 1290 |
| Date type: | Internal, A.D. |
| Resource Link(s): |
Monasterium.net |
Charter:
Ich Chunrat von Hartheim tuen chvnt allen den di disen brief an sehent oder vernement sint daz ich vlreichen von beidenholtze ze chovfen han gegeben einen hofe datze Goldaren vnd daz min hovsvrowe Agnes vnd vnsrev chint sich desselben hoves vurzicht haben getan Daz ovch dise rede vnbechrenchet vnd stet berd behalten des gib ich im disen brief zeinem vrchunde mit meinem insigel vnd mit hern weichartcz insigel von pollenheim versigelt vnd dar vber di geziuch di hie mit namen geschriben sint her wichart von pollenheim her Gvndacher von pollenheim der chorherre her Gotfrid von pernowe her herman von egendorf her Ruedolf der schiver her Seibrant von Geltinge marquart Dietrichs svn Levtolt der vuez vl von Geltingen Der chovf ist geschehen do von christes gebvrde sint gebesen Tovsent iar zweihundert iar vnd nevnzich jar