Charter Document - 04210314
| Charter Number: | 04210314 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | German |
| Charter Origin: | Lay |
| Charter Type(s): | Grant |
| Date: | 1289 |
| Date type: | Internal |
| Resource Link(s): |
Monasterium.net |
Charter:
Ich Otakker von Lobenstain tvn chvnt alle den di disen brief an sehent oder lesent daz ich hern Chvenrat von Chapelle han geben di aigenschaft an den zwain hveben ze paeschinge di Eberhart bei dem tor ze lintz von mir het vnd bin ovch der selben zwaiger hveb sein gwer fvr mein brveder vnt fvr alle ansprach an alle der stat vnt er ez an mich svecht vnt ob im dar an icht ab gienge daz im leicht di vor genanten hveb wurden an behapt so sol ich im sehzich phvnt schuldich sein vnt sol di haben ovf alle dev vnt ich han vnt daz daz staet vnd vnuerchert beleibe gib ich im disen brief ze vrchvnde versigelt mit minem insigel vnt mit den gezevgen di hie geschriben stent her hainrich von volchenstorf her hainrich von lonstorf her Otte sein brveder Rveger der hvttaer hainrich von dietreiching her vlreich der movter ze lintz her hainrich sein brveder her hainrich der pranter Daz ist geschehen do von vnsers herren gebvrte ist gewesen Tovsent iar zwai hvndert iar vnt nevn vnt ahzich iar