Charter Document - 04210306
| Charter Number: | 04210306 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1288 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
Rudolfus Dei gratia Romanorum Rex semper augustus Vniuersis Comitibus Nobilibus Ministerialibus Militibus Clientibus et Vasallis Austrie fidelibus suis dileclis gratiam suam et omne bonum Cum Nos accedente consensu libero Principum venerabilium et Illustrium in Electione Romanorum Regum et Imperatorum voces habentium vacantes nobis et Imperio terras seu Ducatus Austrie et Styrie cum suis Dominiis honoribus juribus et vniuersis vtilitatibus quondam ingenuis Leupoldo et Friderico ducibus ipsorum Principatuum debitis et consuetis Illustribus Alberto et Rudolfo filiis nostris karissimis et heredibus eorundem contulerimus a nobis et Sacro Romano Imperio perpetuo possidendas et eos investiverimus sceptro Regio de eisdem ut declarant plenius privilegia super ipsam collacionem tradita et confecta vniuersitatis vestre fidelitati committimus firmiter et mandamus quatenus eisdem Alberto et Rudolfo filiis et principibus nostris veris vestris Dominis et Ducibus plena fide nec non subiectionis omnimode debito et reverentie intendatis Non obstantibus quibuscunque juramentis Nobis et Imperio Romano per vos prestitis que presentibus relaxamus et litteris hinc inde datis seu privilegiis omnibus concessarum vobis per Nos quarumlibet libertatum Datum in Castris ante Wissenburch VI Kal Maji Indictione prima Anno Domini MCCLXXX Octauo Regni vero nostri Anno quinto decimo