Charter Document - 04210296

Nos Rudolfus dei gratia sancte Salzburgensis Ecclesie Archiepiscopus Apostolice Sedis Legatus tenore presentium profitemur et notam esse volumus universis tam presentibus quam futuris quod nos cum Capitulo nostro et juratis Ministerialibus Ecclesie nostre habito pluries maturo Consilio et tractatu recte considerationis oculis perpendimus quod possessiones jura feoda que in parrochiis Brixen Sel et Rordorf ab Ecclesia nostra hinc inde habentur in feodo propter nimiam distantiam minus utiles Ecclesie nostre erant ideoque volentes eidem Ecclesie nostre meliora prospicere omnes et singulas possessiones proprietates predia decimas jura et jurisdictiones advocatias et judicia cum omnibus suis pertinentiis cultis et incultis quesitis et inquirendis venationibus piscationibus saltibus silvis et nemoribus viis et inviis exitibus et reditibus que ab Ecclesia Salzburgensi in predictis parrochiis Brixen Sel et Rordorf a quibuscunque nobilibus et ignobilibus proprietatis et feodi titulo habentur vel hactenus sunt obtenta cum jure patronatus dictarum trium Ecclesiarum uxorem quoque Leupoldi dicti Ygel Civis Ratisponensis Elyzabeht nomine cum heredibus suis utriusque sexus nunc existentibus et futuris permutando damus et tradimus venerabili in Christo fratri nostro domino Heinrico Ratisponensi Episcopo et in jus et proprietatem perpetuam Ratisponensi Ecclesie transfundimus et donamus renunciantes pro nobis et Ecclesia nostra juri actioni et questioni que de jure scripto vel non scripto vel quocunque modo alio competere nobis possent ipse vero Ratisponensis Episcopus de Consensu sui Capituli Castrum Wildenekk proprietates possessiones omnes et singulas predia decimas advocatias judicia jura et jurisdictiones sibi competentes cum omnibus suis pertinentiis in districtu Maense cultis et incultis quesitis et inquirendis Venationibus piscationibus saltibus silvis et nemoribus feodatis et non feodatis quod et que viri nobiles Comites de Ortenperch ab eo et Ecclesia sua proprietatis nomine et feodi titulo tenuerunt exceptis juribus quoad Investituram temporalium quod in abbatia et Monasterio Maense sibi competiit ab antiquo et personis nobilibus seu militaribus feodis infeodatis ab eo immediate et quibuscunque aliis que predictos Comites de Ortenberch minime contingebant de quibus etiam in traktatu cum venerabili predecessore nostro domino Friderico prius habito exceptionem fecisse noscitur specialem Item omnia jura proprietates possessiones omnes et singulas predia decimas advocatias judicia jura jurisdictiones in Villa Aychpach cum omnibus suis attinentiis cultis et incultis quesitis et inquirendis venationibus piscationibus saltibus silvis et nemoribus que dilectus fidelis noster Heinricus de Harschirichen ab eo et Ratisponensi Ecclesia ibidem tenere dinoscitur cum jure patronatu ipsius Ecclesie Aychpach nobis et Ecclesie nostre tanquam plus sibi distantia et nobis magis vicina permutationis gratia tradidit et donavit Et sic permutationem et donationum alterutram inter nos anno domini MCCLXXXV VII Idus Julii Salzburge presente Comite Dypoldo de Ortenberch et ad manus venerabilis domini Heinrici Ratisponensis Episcopi omne jus quod sibi in Castro Wildenekk advocatia judicio et aliis juribus in districtu Maense competiit liberaliter resignante cui soli jus feodi in illis recognovit in rerum per mutarum spem modo duximus confirmandum In cujus permutationis testimonium presentem litteram Sigillorum nostri et Capituli nostri munimine duximus roborandam Datum Salzburge anno domini MCCLXXXVI IIII Nonas Martii