Charter Document - 04210280
| Charter Number: | 04210280 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1283 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
Rvdolfus dei gracia Romanorum Rex semper augustus Vniuersis comitibus nobilibus ministerialibus militibus clientibus et vasallis Austrie fidelibus suis dilectis graciam suam et omne bonum Cum nos accedente consensu libero principum venerabilium et illustrium in electione Romanorum Regum et jmperatorum voces habencium vacantes nobis et jmperio terras seu ducatus Austrie et Styrie cum suis dominiis honoribus juribus et vniuersis vtilitatibus quondam jngenuis Leupoldo et Friderico ducibus ipsorum principatuum debitis et consuetis jllustribus Alberto et Rudolfo filiis nostris karissimis et heredibus eorundem contulerimus a nobis et sacro imperio Romano perpetuo possidendas et inuestiuerimus sceptro regio de eisdem vt declarant plenius priuilegia super ipsa collacione tradita et confecta Vniuersitatis vestre fidelitati committimus firmiter et mandamus quatinus eisdem Alberto et Rudolfo filiis et principibus nostris veris dominis vestris et ducibus plena fide nec non subiectionis omnimode debito et reuerencia intendatis non obstantibus quibuscumque iuramentis nobis et imperio sacro per vos prestitis que presentibus relaxamus et litteris hinc inde datis seu priuilegiis omnibus concessarum vobis per nos quarumlibet libertatum Datum Auguste IIIJ kalendas Februarij jndictione decima Anno domini MCCLXXX secundo regni vero nostri anno decimo