Charter Document - 04210277
| Charter Number: | 04210277 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Lay |
| Charter Type(s): | Decree |
| Date: | 1282 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Albertus Dei gratia de Habspurch et de Kyburch Comes Lantgravius Alsatie Illustris Romanorum regis primogenitus et ejusdem per Austriam et Styriam Vicarius generalis Ad universorum notitiam deferimus profitentes quod cum Heinricus de Hag medietatem castri Luftenberch quam a nobis ratione terre Austrie tenebat in feodum nobis resignaverit et devote petierit ut generum fratris sui Chunradi de Hag dictum Rech et uxorem ejus Mechthildim nomine de eadem parte dicti castri nobis oblata cum suis pertinentiis infeodare de nostra gratia dignaremur nos supradicti Heinrici de Hag petitionibus favorabiliter inclinati medietatem castri predicti cum suis attinentiis et juribus universis quam idem Heinricus nostris manibus resignavit memorato Rech et uxori sue Mechtildi contulimus feodali titulo possidendam dantes has nostras literas sigilli nostri munimine roboratas in testimonium super eo Datum Wienne pridie Nonas Maii Anno domini Millesimo ducentesimo octogesimo secundo