Charter Document - 04210265
| Charter Number: | 04210265 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1280 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
Rudolfus dei gratia vniuersis sacri imperii fidelibus presentes litteras inspecturis Gratiam suam et omne bonum Quia venerabilis Salzburgensis Archiepiscopus princeps noster dilectus per honestum virum magistrum Heinricum de Merein procuratorem ad id legaliter constitutum legitime comprobauit citationem nostram ad instantiam Nobilis uiri Comitis de Ortenberch super aduocatia et districtu de Maense a nostro culmine impetratam ad ipsum minime peruenisse Nos sentenciam latam contra predictum Archiepiscopum ad instantiam comitis prenotati in irritum per nobilium et fidelium nostrorum sententiam reuocamus restituentes eundem Archiepiscopum plene et integre iuri suo ita quod predicta sententia quam idem comes optinuit nullum sibi debeat preiudicium generare presentium testimonio litterarum Datum Wienne IX Kalendas Januarii Indictione IX Anno domini MCCLXXX regni vero nostri anno VIII