Charter Document - 04210260
| Charter Number: | 04210260 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | German |
| Charter Origin: | Lay |
| Charter Type(s): | Grant |
| Date: | 1280 |
| Date type: | Assigned |
| Resource Link(s): |
Monasterium.net |
Charter:
Ich hueg von morsbach vnd sin swiger ver agnes tuon kunt allen den die disen brief horent lesen daz wir daz guet da ze slatwisen sezzent mit vnserm guoten willen kvnegunt vnd mit ir tohther berthen vnd diemut Wir veriehen vnd tuen kvnt allen den die disen brief horen lesen oder lesen daz wir haben gesezzen daz guet ze slutwisen fur nivn pfvnt pfenninne wienner hern vlrich dem widenholzer vnd hern Otten sim geswien vf die wihennahten vnd ob man daz guet niht loset ze wihenahten so svlz aber sten vnz hin vmme hin ze wihennahten Der rede ist gezueg der voget kristan von welse her Rudolf von liethenwinkel vlrich in der oede her marquart bi der aschach Otte von spehingen vnd ander biderbe luthe