Charter Document - 04210259

Rudolphus Dei Gratia Romanorum Rex semper Augustus Universis Imperii Romani Fidelibus in perpetuum Regie congruit Majestati ut memoriter recolamus ac favorabiliter attendamus quanta fidei puritate quantoque devotionis studio et affectu consanguineus et Princeps noster Charissimus Bertholdus Bambergensis Episcopus Reipublice venetur honorem nostraque privata commoda diligat et sequatur ut dum grata servitia que Imperio Romano et nobis impendit advertimus ad hoc etiam nostre considerationis intuitum convertamus quas grates et gratias referamus eidem Dictus siquidem Princeps post diversa pericula et labores plurimum sumptuosos quibus se suamque Ecclesiam pro salvanda republica infatigabiliter oneravit non contentus obsequio quod Romano Imperio in persona nostra devotus exhibuit nos in liberis nostris charissimis honoravit nam feuda illa omnia et singula que sibi et Ecclesie sue per mortem dive memorie Principum Austrie Styrie et Carinthie Carniole et Marchie in eisdem terris vacare coeperunt et specialiter Castrum Mautenberg cum Muta et omnibus suis pertinentiis charissimis filiis nostris Alberto Hartmanno et Rudolpho ac eorum liberis et heredibus tantum masculis contulit ipsosque ad instar et formam dictorum Principum de iisdem feudis investivit ita tamen quod feudorum hujusmodi dictis nostris filiis concessorum ordinatio et conservatio in nostris manibus remanebit tantum pro tempore vite nostre si vero libri nostri decederent sine filiis heredibus dicta feuda vacantia et absoluta ad Bambergensem Ecclesiam libere revertentur Verum cum honori nostro conveniat pariter et saluti ut damna que pertulit labores quos sustinuit sumptus quos fecit pro honore Imperii dictus Princeps eamque fidei charitatem quam in liberis nostris nobis exhibuit digna retributionis vicissitudine compensemus his ipsum gratiis que inferius annotantur de Regia pietate digne ac liberaliter duximus honorandum Primo videlicet quod ab Advocatia in Veldkirchen nostro et filiorum nostrorum nomine vel cujuscunque terre Carinthie Principis aut Domini futuri nihil aliud exigatur recipiatur aut etiam requiratur nisi tantum jus illud quod in literis super collatione dicte Advocatie confectis Venerabilis quondam Hermanni Ducis Carinthie Sigillorum munimine roboratis evidentius est expressum injustis judiciis exactionibus et steuris indebitis et aliis vexationibus que a dicta Advocatia ultra jus in dictis Instrumentis expressum hactenus sunt extorta sublatis penitus et deletis Preterea renunciamus et cedimus pro nobis et filiis nostris ac omnibus futuris Austrie et Styrie Ducibus et Dominis omni juri quod nobis competiit in Advocatiis de Haag de Kirchdorff et Valle Gerstenthal quas quondam Principes Austrie et Styrie ab Ecclesia Bambergensi in feudum tenuerunt ipsas Advocatias cum reditibus proventibus judiciis silvis pratis pascuis nemoribus et generaliter omnibus juribus et bonis quesitis et inquirendis ad dictas Advocatias pertinentibus memorato Episcopo et Bambergensi Ecclesite libere relinquentes ac volentes ipsum Episcopum et Successores ejus in sepe dictarum Advocatiarum ac eisdem attinentium possessione pacifica illesos perpetuo conseruari ita tamen quod quilibet Episcoporum Bambergensium qui pro tempore fuerit de predictis Advocatiis singulis annis in festo St Georgii viginti talenta Viennensium denariorum nostre et Succesorum nostrorum in eisdem Principatibus Camere solvere teneatur Item renunciamus et cedimus omni actioni seu juri quod nobis in quadam Area in Castro Strasfrid competiit sive competere videbatur que per quondam Henricum Babenbergensem Episcopum Duci Carinthie collata fuit Preterea quia tempore collationis feudorum nostris filiis concessorum memoratus Babenbergensis Episcopus Castrum Werdenburg cum quadraginta Marcarum Denariorum reditibus de feudis ante dictis deduxit sibi et Ecclesie sue de beneplacito nostro perpetuo retinendum nos pro nobis filiis nostris predictis et universis Successoribus nostris in Principatu Carinthie deductioni retentioni et reservationi castri predicti cum omnibus juribus et pertinentiis suis consensum nostrum perpetuum dedimus et donamus promittentes firmiter pro eisdem prefatum Episcopum et Ecclesiam Babenbergensem pro dicto Castro et suis attinentiis nunquam de cetero impeti vel turbari hoc tamen signanter adjecto quod redditus Castri predicti qui redditus quadraginta Marcarum denariorum excesserint nostris et Successorum nostrorum usibus attinebunt Provinciali judicio quoad ipsum Castrum usque modo deservire consuevit ipsis quadraginta Marcarum denariorum reditibus nihilominus intercluso Promittimus insuper pro nobis et filiis nostris Principi supra dicto et Ecclesie sue quod nos et iidem filii nostri ac alii Successores nostri in dictis terris eidem Ecclesie sue et Successoribus suis aderimus auxilio consilio et favore ad hoc ut universa feuda que sibi et Ecclesie sue vacant et que deinceps in dictis terris per mortem cujuscunque et in aliis terris per mortem Principum Comitum Nobilium Ministerialium vel aliarum personarum cujuscunque conditionis aut status existant vacare inceperint plene et integraliter assequantur similiter in feudis illis que ipsi Ecclesie et Episcopo per statuta sive traditiones Imperiales seu regales aut per sententias judiciarias vel per modum alium debitum et consuetum vacare ceperunt vel incipient in futurum sibi et sue Ecclesie acquirendis nos et liberos nostros et predictos nostros successores habebit et sentiet promotores In quorum feudorum juribus et libertatibus conservandis nos filii nostri et Successores nostri in dictis terris prefate Ecclesie defensores esse tenebimur pariter et Tutores Testes hujus rei sunt Venerabilis Joannes Gurcensis Episcopus honorabiles viri Rudolphus noster Cancellarius Henricus Abbas Admontensis Scriba Styrie et Magister Godefridus aule nostre Protonotarius illustris Albertus Dux Saxonie Nobiles viri Fridericus Burggravius de Nuernberg Burchardus de Hohenberg Bertholdus de Henneberg Eberhardus de Kazenelebogen Hugo de Wertemberg Ulricus de Montefourti N de Ryenegge Comites Ulricus de Tuvers Reinhardus de Hagenova strenui viri Otto de Lichtenstein Fridericus de Lengeberg dapifer Ulricus de Capella Albertus de Bucheim Magister Conradus Scriba Austrie et quam plures alii Nulli ergo omnino hominum liceat hanc paginam nostram infringere aut ei in aliquo ausu temerario contraire quod qui fecerit gravem nostre Majestatis offensam se noverit incursurum In cujus rei testimonium et robur perpetuo valiturum presens scriptum Majestatis nostre Sigillo duximus roborandum Signum Domini Rudolphi Regis invictissimi Romanorum Datum apud Rotenman octavo Calendas Novembris Indict VIII Anno Domini Millesimo ducentesimo septuagesimo nono Regni vero nostri Anno VII