Charter Document - 04210258
| Charter Number: | 04210258 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1279 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
Rvdolfus dei gracia Romanorum Rex semper Augustus Vniuersis jmperij Romani fidelibus presentes litteras inspecturis graciam suam et omne bonum Regalis serenitas libenter intendit commoditatibus subditorum vt ceteri ex eo suscipiant sincerioris deuocionis et fidei incentiuum Sane cum ad hoc in locis oportunis forum septimanale consueuerit statui vt in eis emencium atque vendencium communis procuretur vtilitas et alterna commoditas augeatur Nos rei publice bono statui cupientes continuo incremento salubriter prouidere nec non strenui viri vlrici de capella senioris meritis et deuotis supplicacionibus inclinati in villa Chunigeswise vtpote loco ad id habilj et apto ebdomadale forum feria secunda perpetuo duximus edicendum volentes et fauorabiliter concedentes quod idem forum ac omnes ipsum pro huiusmodj emptionis et vendicionis exercendo commercio frequentantes libera securitate gaudeant ac eisdem iuribus et libertatibus perfruantur quibus forum ciuitatis Anasi est dotatum jn cuius rei testimonium presens scriptum magestatis nostre sigillo iussimus communiri Datum Wienne XV kalendas Augusti jndiccione VII anno domini millesimo ducentesimo septuagesimo nono regni uero nostri anno sexto