Charter Document - 04210255

In dem Namen des fron Gottes Amen Wur Hainrich von Hage verjehen Ann dissen brieff das wur vnsser Hauss zu Wurttenstein Herrn Vlrichen von lobenstein Vnd was darzue gehoert aufgegeben Haben vor dem gewaltigen Khonnige von Romwe Vnd ers jm vnd seinen Erben gelihen Hat nach vnsser bette vnd nach vnsserm willen Sit aber das vnsser geberst nit allein vmb dasselbe Haus Sonder vmb mer guetes wass So vergeh wur in auch an dissen brief das wur jhm vnser Aigen das Elss vnd das dem Crekhengers Haben gegeben williglich vnd bedachtlich vnd alss darzue gehort versuecht vnd vnuersuecht ze holczs vnd ze uelde vnd wellen vnd sollen wir Vnsser brueder der Chonradt von Hage jm es schermb Herrn Vlrichen von lobenstein Vnd seinen gerben als Aigens rechte ist Vnd dass dise [rede] Stett beleibe vnd vnuerkhert So gebe wur jhm dissen brief mit vnserm jnsigl vnd vnssers brueders jnsigel Herren Chvnraden von Hage vnd ander Vnsser freund Vnd vnser gnosse disen auch gezeugen seind das seidt die Herr Chonradt von Harthaim Herrn Bernhardt von troun Herr Hainrich von lonstorff Herr Marquardt von Prettehoven Herr Eberhardt von Tobel Herr Hainrich von Ode Herr Ott von Stainbach Herr Otto von Vronssen Ritter durinch von Altenhouen Marquardt Streittwys Vlrich der Richter von lincze Vlrich der Richter von ottenshaimb Vlrich der Amman von lobenstein knechte Anno dominj MCCLXX octauo Nonas Septembris