Charter Document - 04210250
| Charter Number: | 04210250 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1277 |
| Date type: | Internal, A.D., Regnal |
| Resource Link(s): |
Monasterium.net |
Charter:
Rudolphus Dei gratia Romanorum Rex semper Augustus Vniuersis Sacri Romani Imperii fidelibus presentes literas inspecturis in perpetuum Nostrorum fidelium volentes intendere profectibus gratiose huius scripti Testimonio patefacimus universis quod dilectis civibus nostris de Freynstatt quorum erga nos est devotio manifesta hanc gratiam concedimus ut singuli Mercatores undecunque venientes ibidem debeant deponere merces suas volentes simul ipsis imposterum tam in aqua quam in terra conservare universas conditiones libertates et jura que preclare memorie ab Illustribus Leopoldo et Friderico Ducibus Austrie tenuerunt Nulli ergo omnino hominum liceat Hanc nostre concessionis et confirmationis paginam infringere vel eidem in aliquo ausu temerario contraire Quod qui fecerit nostre Maiestatis offensam se noverit incursurum In cuius Testimonium Ipsis dedimus presentes literas Sigilli nostri munimine roboratas Date Wienne VII Calend Augusti Indictione quinta Anno Millesimo Ducentesimo Septuagesimo Septimo Regni vero nostri Anno quarto