Charter Document - 04210245
| Charter Number: | 04210245 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Royal |
| Charter Type(s): | Testimony |
| Date: | 1277 |
| Date type: | Internal, A.D. |
| Resource Link(s): |
Monasterium.net |
Charter:
Gloriosissimo ac Semper inuictissimo Principi Domino Rudolpho Dej gratia Romanorum Regi et Semper Augusto Dominus Hadmarus miles de Suonberch Dominus Heinricus de Travvn Dominus Vlricus de Cappella Dominus Wichardus de Polnheim Dominus Otto de Volchenstorf Dominus Arnoldus de helfenberch albus Castor Dominus Poppo de Reichenstain Poppo de gruenburch et Heinricus de lonstorf tam et prompte quam debite reuerentie famulatum Cum ex uestra regali maiestate per gratiam specialem super iure nobilis virj Dominj vlricj de lobenstain quod habet in villa Ottenslage que Ridmarchie adiacet in pascuis et in Siluis in nos sit tamquam in arbitros compromissum Excellentie vestre laudabili caucione iuratoria intimamus quod Dominus Vlricus prenotatus a viridi nemore fundauit et in feodo a Principe friderico pie recordationis scilicet jllustrissimo duce Austrie ad triginta annos et amplius villam cum omni iure habuit prenotatam quoad vsque Serenissimus Rex Bohemie eandem villam sibi potenter non suis meritis exigentibus vsurpauit Ne igitur huiusmodi processus possit in dubium reuocarj presentem litteram nostrorum Sigillorum munimine Consignatam conscribi fecimus vobis et vestris posteris in testimonium predictorum Datum Anno Dominj MCCLXX septimo