Charter Document - 04210240

Nos B Herbipolensis Bruno Olomucensis Episcopi L Comes Palatinus Rheni Marchio Brandenburgensis arbitri Dominorum Romanorum et Bohemie Regum super questionibus que inter ipsos super divisis terris et Principatibus vertebantur arbitrando pronuntiamus quod revocentur et retractentur imo revocate sunt omnes sententie proscriptionis excommunicationis et interdicti privationis et quecunque alie promulgate contra Regem Bohemie et adherentes sibi quocunque nomine censeantur Item pronuntiando arbitramur quod inter ipsos Romanorum et Bohemie Reges plena sit concordia Pax firma et sincera reconciliatio sine qualibet captione et servitores utriusque Regum quocunque nomine censeantur huic paci et concordie ac reconciliationi cum sinceritate firmissima includantur castris eorum munitionibus possessionibus et hominibus ab alterutro Regum vel a se ipsis contra jus ablatis cum integritate debita restitutis Item arbitramur quod Dominus Rex Bohemie cedat simpliciter et precise omni juri quod habebat vel habere videbatur in terris et hominibus cujuscunque conditionis existent Austria videlicet Styria Carinthia Carniola Marchia Egra et Portus Naonis Item Arbitramur quod Nos deinceps non impediat Archiepiscopos Comites Barones Ministeriales et quoscunque alios quocunque nomine vel dignitate censeantur in castris Munitionibus possessionibus juribus hominibus sitis in terris superius nominatis Item pronuntiamus liberos et solutos omnes utriusque partis obsides et captivos et fidejussores quocunque nomine censeantur nuncupentur Item pronuntiamus quod Dominus Rex Romanorum exceptis terris et hominibus supradictis infeudabit Dominum Ottocarum Regem Bohemie et liberos suos de omnibus feudis scilicet Bohemie Moravie et aliis quibuscunque que ipse et Progenitores sui jure ab Imperio noscuntur hactenus tenuisse Et ut predicta pax concordia et reconciliatio perpetuam obtineat firmitatem et partes mutuo sincerius se diligant et conjuncti efficatius in plena amiticia solidentur Pronuntiamus arbitrando quod Dominus Ottocarus Bohemie Rex tradat suam filiam in uxorem filio Domini Rudolphi Regis Romanorum et idem Rex Bohemie dabit seu resignabit Simpliciter et precise Rudolpho Regi Romanorum terras et possessiones in Austria quas hactenus proprietatis vel feudi titulo tenuit vel sua pecunia comparavit et easdem terras seu et possessiones Dominus Rex Romanorum suo filio obligabit pro quadraginta Millibus marcis argenti quas eidem filio suo in donationem propter nuptias deputabit salvo in utroque Casu Archiepiscopis Episcopis Comitibus Baronibus Ministerialibus et aliis hominibus jure quod in castris munitionibus possessionibus et feudis que vacare coeperunt iidem in districtu dicte terre habent seu hactenus habuerunt et ab ipso filio suo dictam terram redimet ipse vel successor ipsius qui pro tempore fuerit pro pecunia nominata et si idem filius sine heredibus decesserit predicta bona apud Imperium remanebunt nec ad uxorem ejus filiam Regis Bohemie quibuscunque modis bona hujusmodi devolventur Et Dominus noster Rex Romanorum tradet filiam suam in uxorem filio Domini Ottacari Regis Bohemie et dabit Rex Romanorum Filio Regis Bohemie quadraginta marcarum argenti dotalitij nomine Et pro illis obligabit sibi redditus quatuor millium marcarum argenti in terra Austrie ultra Danubium versus Bohemiam Moraviam et Vngariam Cremsa et Stein oppidis dumtaxat exceptis cum suis pertinentiis salvo et in hac parte Archiepiscopis Episcopis Comitibus Baronibus Ministerialibus et aliis hominibus jure quod in castris munitionibus possessionibus et feudis que vacare coeperunt eisdem in districtu dicte terre habent seu hactenus habuerunt et sic quid defuerit in reditibus dicte terre supplebitur in altera parte citra Danubium juxta arbitrium nostrum videlicet vel Arbitratorum qui a partibus nostris fuerint subrogati et si quid superfuerit hoc Romanorum Regi et Imperio sine difficultate qualibet remanebit Si vero filius Regis Bohemie sine herede decesserit dicta terra ultra danubium penes Regem Bohemie titulo pignoris remanebit nec ad Vxorem ipsius filiam etiam Regis Romanorum de bonis hujusmodi devolvetur Et Dominus Rex Romanorum vel successores ipsius dictam terram quadraginta millibus marcarum argenti a Rege Bohemie redimendi habebunt liberam facultatem Inter cetera specialiter arbitramur quod Dominus Rex noster Romanorum recipiat specialiter in suam gratiam et favorem Baltheranum Civem Viennensem et Magistrum Chr Mont cum suis Parentibus et amicis et civitatem Viennensem cum omnibus civibus et hominibus juribus et possessionibus ipsis attinentibus quocunque vocabulo censeantur nec permittat eos indebite molestari Item spetialiter arbitramur quod Magister Vlricus in Ecclesia Viennensi per Regem Bohemie presentatus Mont Nomine Capelani et alij clerici in terra Austrie et Styrie et alibi Ecclesias et Ecclesiastica beneficia vel possessiones alias obtinentes contra jus nullatenus offendantur vel suis possessionibus contra juris ordinem spolientur imo in suo jure favore et gratia Regia defendantur Item pronuntiamus arbitrando quod Illustris Rex Vngarie cum suis quoad plenam amiticiam cum Domino Rege Bohemie ac suis presenti concordie et amititie specialiter includantur quod quidquid de Castris munitionibus juribus possessionibus et hominibus Regis Vngarie tenet vel possidet Dominus Rex Bohemie sive sui sine difficultate qualibet restituat et dimittat libera absoluta nec deinceps eum impediat in eisdem et hoc idem pro Rege Bohemie et suis per Regem Vngarie et suos erit sine captione qualibet observandum Salvis utrique Regum terrarum suarum limitibus et terminis sicut ab antiquo tempore sint distincti Et Quicunque Regum eorumdem dicte pacis et concordie fuerit violator contra talem Rex Romanorum observanti pacem et concordiam assistet consilio auxilio et favore In cujus rei testimonium [] Datum in Castris ante Viennam Anno parte salutis Millesimo ducentesimo septuagesimo sexto X Cal Decembris