Charter Document - 04210233
| Charter Number: | 04210233 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1275 |
| Date type: | Internal, A.D. |
| Resource Link(s): |
Monasterium.net |
Charter:
Ego Gundackerus de Starchenberch presentibus cupio protestarj quod cum venerabilis in Christo pater et dominus Rudolfus abbas in Sytanstetin et conuentus eiusdem super aduocacia prediorum suorum quam pater meus tenuit in meo districtu constitutorum siue alibi circumiacentium michi induxissent pluries questionem in tantum ut eam per prefectos illustris domini nostri Regis Boemorum de manibus meis euellere conarentur Ego quam plurimum exinde senciens me grauari Sytanstetense Monasterium adij gracia conponendi vbi cum predictis videlicet domino abbate et conuentu conueni amicabiliter in hunc modum vt predia predicta siue redditus eorundem recepta tantum vna libra denariorum in festo sancti Mychahelis et vna in festo beati Georij et vno pullo a quolibet colono debeam pure propter deum plenarie defensare omnibus aliis quibuslibet exaccionibus pretermissis Quod si non fecero sed transgressor huius modi conposicionis inuentus fuero legitimis ostensionibus et euidentibus argumentis [et] commonitus tercio per officialem ecclesie offensas sev grauamina debite non retractauero ut promisi forum in Styria infra septem dies debeo intrare nec inde exire nisi de ipsius domini abbatis et conuentus licencia specialj Et si illud neglexero ut rebellis violator fidei reputabor Promitto eciam testimonio huius scripti ipsis de familia mea vnum quem sibi vtilem pro defensione viderint deputare Qui si metas excesserit compromissi alium sibi substituere debeo quem sibi magis vtilem duxerint eligendum In Cuius rei testimonium presentem paginam ipsis tradidi sigilli mei monimine roboratam testibus annotatis videlicet domino Ditmaro de Loch Alberto et Ottone fratribus de Hovzinbach Friderico de Tannbach Dittrico Oven Heinrico Officiali Heinrico judice in Sytansteten Wolflino et Nvosspovm Heinrico Reinsperger et aliis pluribus et honestis Acta sunt hec in ecclesia Sytansteten Anno ab incarnacione dni MCCLXXV VI Idus Marcij