Charter Document - 04210218
| Charter Number: | 04210218 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1266 |
| Date type: | Internal, A.D., Calendar |
| Resource Link(s): |
Monasterium.net |
Charter:
Ottocarus Dei gratia Rex Bohemie Dux Austrie et Stirie et Marchio Moravie Dilectis fidelibus suis Judicibus provincialibus et civitatensibus per Austriam et supra Anasum constitutis gratiam suam et omne bonum Certa relacione intelleximus quod quedam detestabilis consuetudo imo potius coruptela peccatis malorum exigentibus in vestris partibus contra Dominum et Justiciam inolevit videlicet quod Prelatis Rectoribus seu Plebanis Ecclesiarum decedentibus quidam improbi Laici imo potius crudeles tyranni res mobiles et immobiles quandoque decedentium Clericorum presumunt temere usurpare ac rapere violenter Et quia summum bonum in vita est iustitiam colere et jus suum unicuique obseruare et maliciis hominurn libertati Ecclesiastice detrahentium obviare fidelitatem vestram commonemus diligentissime et hortamur addentes nihilominus preces regias et districtum mandatum quatenus factum tam impium et enorme per totum nostrum Dominium impune fieri nullatenus de cetero permittatis reos tante malicie taliter punientes ut ipsorum pena metus esse debeat aliorum nec ullatenus dubitetis quoniam presens nostrum mandatum quomodolibet negligentes cum super hoc querelam receperimus sine lenitatis mansuetudine puniamus Datum Prage XI Kalend Februarii Anno Domini MCCLXVI Indictione nona