Charter Document - 04210217
| Charter Number: | 04210217 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1266 |
| Date type: | Internal, A.D. |
| Resource Link(s): |
Monasterium.net |
Charter:
Ottacherus Dei gratia rex Boemorum dux Austrie et Styrie Marchio Moravie vniversis fidelibus suis judicibus et officialibus per Austriam gratiam suam et omne bonum Licet omnium Ecclesiarum quieti semper totis viribus intendere teneamur Venerabilis tamen Patris Pataviensis Episcopi quem propter sue devotionis merita quibus nobis ab antiquo gratus extitit et Ecclesie sue Pataviensis ac hominum suorum jura et libertates quibus ab aliquibus est sepius derogatum volentes firma et illibata imposterum conservare sub obtentu gratie nostre vobis universis et singulis damus firmiter in mandatis ut in bonis et possessionibus ipsius Domini Episcopi quocunque censeantur nomine nullam presumatis exercere judiciariam potestatem His tantum exceptis casibus qui dampnum mortis requirent in quibus suam jurisdictionem non debet nec poterit exequi id ad forum pertinent judicis temporalis Preterea cum sui homines et nostri gaudere merito debeant equo jure similiter vestre universitati precipiendo districte comittimus ut cives ipsius de Mautarn de Everding et quocunque alios homines ipsius per aquas et terras omni jure et libertate perfrui secure ac libere permittat quo nostri cives et homines gaudere in hujusmodi cognoscuntur nec ipsos in aliquo contra huius mandati nostri seriem de cetero impedire vel arctare super quo turbaremur graviter attemptetis scientes quod omnes qui in premissis eidem Domino Episcopo de se prestituerit ulterius materiam exquirendi C animadversione severa taliter puniemus quod coeteris in exemplum transibit et eos nostri mandati penitebit fuisse transgressores Datum in Egenburga Anno domini MCCLXVI Idus Martii