Charter Document - 04210216
| Charter Number: | 04210216 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1265 |
| Date type: | Internal, A.D., Calendar |
| Resource Link(s): |
Monasterium.net |
Charter:
In nomine domini Amen Nos Otacharus dej gratia Boemie Rex Dux Austrie et Styrie ac Marchio moravie omnibus inperpetuum Quoniam iura et Libertates fidelium nostrorum ipsis a predecessoribus nostris quondam illustribus Ducibus Austrie concessas pariter et indultas augeri potius quam minui temporibus vite nostre volumus vt est iustum scire damus presentium inspectoribus vniuersis quod nos omnem gratiam siue libertatem Ciuibus nostris in Otensheim a nostro predecessore domino Friderico felicis memorie concessam ipsis nostris renouare volumus priuilegiis et confirmare robore perpetue firmitatis videlicet vt omne ius omnemque simul gratiam quam in mute et thelonei solutione in terra et in aqua Ciues nostri de anaso habere dinoscuntur predictis Civibus in Otensheim concessimus et indulsimus vt hoc ipso iure et gratia semper secundum quod prius eis indultum extitit et a nostra regali magnificentia debeant congaudere Et vt hec ipsis concessa gratia et ius pariter permaneat jllibatum presentem paginam Sigillorum nostrorum munimine fecimus conmunirj Testibus qui aderant subnotatis qui sunt Andreas camerarius Boemie Hartliebus camerarius Moravie Dybischius dapifer Chunradus niger cognomine et alij quam plures Datum prage anno domini MCCLX quinto per manus prothonotariorum nostrorum magistri vlrici et petri indictione VIIII Kalendis januarij