Charter Document - 04210205
Charter Number: | 04210205 |
---|---|
Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
Charter Language: | Latin |
Charter Origin: | Lay |
Charter Type(s): | Agreement |
Date: | 1252 |
Date type: | Internal, A.D., Calendar |
Resource Link(s): |
Monasterium.net |
Charter:
Nos Ottokerus Dei Gratia Dux Austrie et Styrie et Marchio Moravie innotescimus universis quod fideli nostro Diethmaro de Steyr honestatis sue meritis inclinati jus nostrum in Losstein duximus conferendum volentes firmiter ut feudo suo quod Burglehen vulgariter dicitur in Castro Steyr pleno jure gaudeat velut ante in quo Castro inimicos suos non locabimus aliquatenus ex permisso in suum Prejudicium aut Gravamen super hec ut favoris nostri plenitudinem adesse sibi sentiat cum effectu ducenta Talenta persolvemus eidem ut et ipse nobis adesse debeat perpetuo omni obsequio et fidelitate nec de cetero teneat civitatem nostram Steyr et alias possessiones et alia queque que contingunt ex debito nos et nostros in nostrum et nostrorum Prejudicium occupata sed permittat nos et nostros in singulis nostris possessionibus et juribus pacificos et quietos Ceterum contra et suis remittimus universas injurias atque damna que nobis et nostris a morte illustris Ducis Austrie Friderici noscitur irrogasse in cujus facti memoriam et cautelam cum subscriptione testium dari mandavimus has patentes literas Sigilli nostri munimine roboratas Testes sunt Venerabilis amicus noster Dominus Cunradus Frisingensis Episcopus Comes Otto de Hardeck Comes Ulricus de Phannenberg Albero de Pollenhaim Albero de Chunringen Pincerna Austrie Wotsko Comes de Pernecke et Burggravius in Znaym Cunradus de Zelckingen Gundackarus de Stahrenberg Ulricus de Capell Wolfkerus de Paravu et alii quam plures actum et datum apud Linzam Anno Domini Millesimo Ducentesimo Quinquagesimo Secundo Tertio Kalendas Septembris