Charter Document - 04210194
| Charter Number: | 04210194 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1244 |
| Date type: | Internal, A.D., Calendar |
| Resource Link(s): |
Monasterium.net |
Charter:
Fridericus dei gratia Dux Austrie et Stirie et Dominus carniole vniuersis fidelibus suis gratiam suam et omne bonum Attendentes dilectorum Ciuium nostrorum de Anaso huiusmodi deuotionis merita que nobis utpote fideles et deuoti hactenus exhibuerunt et adhuc exhibent indefesse ipsis concessimus ex gratia speciali ut nullus ex ipsis qui ibi nunc resident et adhuc ibidem residere cogitant in futurum aliquam mutam de hiis que de ipsa Ciuitate abduxerint uel induxerint exsoluere debeant sed libere transiebant vniuersa Ad hec ut dicta Ciuitas nostra que plerisque incendiis est uastata solite nostre gratie recipere debeat incrementum Statuimus et illibata iussimus obseruari vt omnia fora diebus dominicis de cetero conquiescant nec caupones sint infra Miliare sicut hactenus consueuerunt nec in villa que Ensdorf dicitur ex panifici bus nisi tantum duo resideant et unus caupo nec extra murum aliqui Caupones resideant sed intrent conmuniter Ciuitatem et ibi suas venditiones exerceant more debito et consueto Et ut hec que ipsis indulsimus robur optineant perpetue firmitatis presentem litteram eis exhiberi iussimus nostro Karactere consignitam in euidens testimonium et tutelam Datum Starchenberch Anno domini MCCXLIIII V Nonas Julii