Charter Document - 04210191
| Charter Number: | 04210191 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1242 |
| Date type: | Internal, A.D., Feast |
| Resource Link(s): |
Monasterium.net |
Charter:
Otto dei gratia Comes Palatinus Rheni et Dvx Bawarie presens scriptum intuentibus salutem Cum pleraque gesta hominum et contractus ex obliuionis uicio et iniquorum hominum perfidia sepius uideantur debilitari necesse est ut ea que posteris relinqui volumus litterarum testimonio confirmemus Hinc est quod notum facimus uniuersis presens scriptum intuentibus quod concambium quod factum est inter dilectum nobis conuentum de Raitenhasla et plebanum de Haiming pro predio quod dicitur Eisching et portum qui dicitur Schuzing ratum uolumus habere et inconcussum Ne uero quisquam huic pacto ualeat obuiare presentem paginam sigilli nostri munimine decreuimus roborari Datum apud Odingam Anno domini MCCXLII in die sancti Martini