Charter Document - 04210189
| Charter Number: | 04210189 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1241 |
| Date type: | Internal, A.D., Calendar |
| Resource Link(s): |
Monasterium.net |
Charter:
Fridericus dei gratia dux Austrie et Stirie dominus Carniole vniuersis hanc paginam inspecturis in perpetuum Quoniam labilis est memoria hominum expedit vt negotia siue beneficia subditis a dominis suis inpensa scripture munimine roborentur Vnde vniuersitatis vestre noticie duximus conmendandum quod nos ciuium nostrorum in Otensheim vtilitatibus prouidere volentes omne ius omnemque simul gratiam quam in mvte et thelonei solutione in terra et in aqua ciues nostri in Anaso et de Lintz gaudere noscuntur predictis ciuibus de Otensheime cencessimus et indulsimus vt hoc ipso iure et gratia semper ex hac ipsa nostra debeant concessione gaudere Et vt hec ipsis concessa gratia et ius pariter permaneant illibatum presentem paginam nostri inpressione sigilli signatam predictis curauimus exhibere Datum Wienne III nonas octobris anno domini MCCXL primo indictione XIIII